السلام عليكم ورحمه الله وبركاته




بسم الله الرحمن الرحيم

بصراحه ماني عارفه كيف اوصفلكم الموقف

مره في الليل كنت انا واختي سهرانين نسولف << سوالف بنات

المهم انا طلعت من الغرفه ابي اشرب مويه

واشوف امي طالعه من غرفتها تصيح وهي تكلم عمي وتقوله الله يعافيك تعال وجب الدكتور معك بسررعه

انا وقفت مكاني (( يمه وش السالفه وش صاير ))

جت اختي من وراي وبسررعه دخلت الغرفه وانا من بعدها

انا من الروعه رجولي تخدرت وقفت مكاني واصييح

شفت ابوي طايح على الارض ويمسح على صدره من الالم وامي وجدتي يبكون ويسمون عليه ويقرون

عليه

انا على طوول رحت لغرفتي وجلست بزاويه اصيييحح اصيييييح

عمي طول ليه ليه

شفت اختي تروح للتلفون وتدق على الاسعاف وتقولهم بسرعههه بيموووت بسررعه

ما اخفي عليكم اني الان جالسه ابكي وانا اكتب لكم هالموقف





واخييرا عمي جا ومعه الدكتوور

وخذوو ابوي على المستشفى بس رجع بعد ساعه او ساعتين

احسن من اول بشي بسيطط

وامي تصيح وهي تكلم عمي ليش ما نومتوه بالمستشفى

عمي يقول ان ابوي الله يرحمه كان رافض ويقول مابي مافيني شي

المهم ان هالليله عدت على خير

ويوم قمت الصباح

لقيت امي تحضني (( تلمني )) انا على طول عرفت ان ابوي فيه شي

قلت يمه وين ابوي ابي اشوفه

تقول ابوك بالمستشفى تعبان << كانت تخفف علي

بس في النهايه عرفت

وكانت المعاناه ان ترى ابوك يحتضر امامك

وانا مااخفيكم امراا باني قد كنت ابكي من كل قلبيي

لانه هو اللي شجعني ادخل قسم الاعمال الفنيه في الجامعه

يبي يشوف موهبتي

وايضا اللي آلمني اكثر شي هي المكافأه

طبعا البنات يعرفون انه اذا كانت اول مكافأه لك بالجامعه لازم تروح على الهدايا لاخوانك

وانا كنت ابكي لاني ما عطيته هديته

كنت شاريتها بس لسا ماغلفتها عشان اعطيه اياها


وجلست اقول لنفسي ليتني عطيته اياها


الله يرحمك يا ابوي ويغفر لك

ويرحم موتى المسلمين ياارب

دعواتكم له بالرحمه والمغفره


ايديني ترتجف وانا اكتب لكم هالكلام اللي عمري ماعبرت عنه لاحد

غير امي واختي الله يحفظهم لي

واخواني الباقين ياارب