"ذنب مين؟!
حضرتك ممكن تقوللي ذنب مين؟
ذنب الأم اللي نزلت في الميدان ..
قلبها خلاص اتحرق ع الولاد المقتولين؟
ذنب مين؟
ذنب بنت صغيرة نازلة عايزة تقول أخويا ليه يموت؟
لحقته برصاصة من شرطي "أمين"؟
ذنب مين؟
ذنب واحد عينه راحت في البداية
راح نزل وعشان بلاده قام رجع من غير عينين؟!!
ذنب مين؟
ذنب إعلامنا الأمين؟
ذنب مين؟
ذنب مجلسنا الحكيم؟
ذنب مين؟
ذنب حكومتنا المصونة؟
ذنب مين؟
ذنب شرطي عادي عنده إنه يضرب إبن بلده يضحي بيه..
ويخادله في المقابل مليمين؟
ذنب مين؟
ذنبنا علشان رفضنا يحكمونا كما البعير؟
والسؤال يفضر يكرر نفسه علي مر السنين..
ذنب مين؟ ذنب مين؟ ذنب مين؟!!!!!!!!!!!
"
خرجت من قلب محترق !
المفضلات