السلام عليكم
موضوع فلة والله
آآخ يوووم العيد .. صراحة ما تمنيت اليوم هو العيد تمنيته بكرا
أما عن الاشياء اللي بالعيد .. انا اول يوم مافيه شي
يعني مثل اليوم نمت 3 الفجر وقمت 4 وأنواع التهديد والازعاج ><
ماني متعود اني انام المفروض اكون مواصل بس عاد نمت
و أضحك حتى الموت على الي العقال مسوي له مشكلة و قاعد طول الصلاة و الخطبة و هو يحركه يمين و شمال و فوق تحت !
ههههههههه
اي والله ..
اليوم شفت واحد من هالصغار قدامي بالصلاة ومن بدت الصلاة وهو ما غير يحرك العقال ويشيله ويحطه
وينزل الشماغ ويصلح ويلف وحوووسة ><
ويوم قرب يركع الامام قام وارتفع ضغطه وفصخ الشماغ والعقال ورماه قدامه وقال وهو معصب والله ما البسه ههههههههه والله قاعد اضحك عليه .. بالعكس طلع شكله احسن
المهم بعد الصلاة ارجع البيت واسحبها نومة واقوم عالظهر
وعماني اكلمهم اعايدهم لأنهم بديرتهم مافي احد بالرياض الا اهل امي وعيال عمي من الاقارب والشلة
وعيدي يبدأ بعد شوي يعني للحين ما بدا هع .. نجتمع باستراحة الشباب .. وعالصبح
نروح المخيم ونسهر هناك ونفل ابوها مع كرتونين طراطيع صراحة احسن شي
الطراطيع
والله ياهي فلة ولو ان يديني تروح فيها بس كل شي يهون قدام الطراطيع هع .. طبعاً نشعل حطب ونشعل الطراطيع منه وبعضهم ما يرتاح الا بكباريت وولاعات
ونبات هناك يومين مع الخرابيط اللي جايبينها ..
وذا رجعت اسحبها نوووومة لين بكرا ..
وبالنسبة لأهل أمي بعد شوي بروح لهم أسلم عليهم وعلى جدتي وامشي مع الشباب
للتحلية نعايدهم هناك بطريقتنا
وبعدين نروح للاستراحة ونمشي للمخيم عالصبح
وبس كذا تقريباً .. مافي مستجدات
وأما عن المواقف ماذكر موقف قوي .. الا انه بعيد الأضحى اللي فات
جا ولد عمي يقومني من النوم ونا مررره ما اشوف شي نااايم وما لقيت الا خروف يدور جمبي +_+"
ونا اللي اقوم الصق بالجدار وطيح سب فيه لين وخره
وهو :evil:
والله ذاك اليوم حقدت عليه هو ووجه فجعني فجعة ><
:::
بس تدري وش اكثر شي يجيب لي الهم بالعيد .. هدوووء الشوارع الا التحلية
يعني تمشي لحالك فاااضي مافي احد ><
وبالنسبة لـ
على فكرة حبيت أسأل ليه الواحد لما يقوم بخطأ فادح يقولون : فلان جاب العيد
هل هناك معنى معين لهذه العبارة ؟
هالكلمة دايم تنقال للي يجيب العيد <<
أعتقد ان معناها واضح .. يعني مثلاُ اقولك اليوم بالاختبار جبت العيد وألفت كتاب ثاني ..
والله ماعرف اشرح :strongsad:
_______
ويعطيييك العافية شارلوك على فتح الموضوع
صراحة استمتعت ونا اقرا واكتب الرد
وسوري أخذت راحتي
هع
وكل عام وانت والجميع بخير
سلامو
المفضلات