المشاركة الأصلية كتبت بواسطة (رونقة الحياة)
سؤال على السريع :
ماهو الافضل :.
من الكود H.264 هل الافضل منه H264 ام X264 أم Avc1
??
الاهم الجودة العالية والحجم المنخفض
وشكرا
هممممممممم
اول شي اسف على التاخير بالرد لاني امس انشغلت ...
ببدا في قصة الحجم والجودة العالية ><"
ما فيه حاجة اسمها "" ماهو الكوديك الافضل بالحجم ""
لأنك لما تجي تضغط أنت تحدد الحجم بنفسك
افتح اي برنامح للضغط عندك ودور على عبارة Bitrate
هذي العبارة معناها معدل تدفق البيانات .. وهي اللي فيها وعلى اساسها يتحدد الحجم ...
يعني لو حطيت ال Bitrate = 850 KBps
معناها 850 كيلو " بت " للثانية ...
يعني ناخذ اي مقطع عندنا مدته 24 دقيقة ... نضرب في 60 ونحولها لثواني
العدد الناتج هو .. مدة المقطع 1440 ثانية
واحنا تو قلنا ان معدل البيانات هو 850 " كيلو " بت للثانية ..
يعني اضرب ال 1440 ثانية في 850 كيلو بت ... ويطلع لك حجم الملف بوحدة "كيلو بت "
الناتج = 1224000
ونحول الناتج الى كيلو " بايت " بالقسمة لى 8
153000
ونحولها لميغا بايت لاقسمة على 1024
تطلع تقريبا 150 ميغا ...
( هذا بس للصورة لان كل فيديو مكون من صوت وصورة .. والصوت له حجمه بعد ... والغالب ان معدل البيانات له 128 .. بالنهاية الحسبة تطلع تقريبا 175 ميغا )
طبعا البرامح تسوي هالشغلة مو لازم تحسبها بنفسك ... خذ هذا البرنامج واجلس احسب واجمع واطرح على كيفك
هو مكتوب عليه Divx بس الحسبة وطريقة الحساب اصلا ماشيه في كل الكودات .. يعني النتيجة الحسابية تمشي على الكل
http://juve11mania.googlepages.com/DivXLand_BitCalc_28.exe
طبعا مو كل الاكواد تلتزم بالمعدل هذا 100% يعني فيه نسبة زيادة ونقصان .. ولما تتكلم عن الكوديك الافضل بالحجم .. فالمفروض انك تقصد الافضل في الالتزام بالرقم الي انت حددته ( وهذا يعتمد على الاعدادات الموضوعه في البرنامج )
لكن نسبة الخطأ بسيطة ... ما راح تتجاوز 1 % في أسوا الحالات ... يعني بدال ما يطلع حجم الملف 170 ميغا .. يطلع 172 ميغا
فرق ما يستاهل الكلام عنه ^^"
اعتقد مدام اننا تكلما في تدفق البيانانات ندخل في موضوع هل الابعاد تغير من الحجم ,,, لانها نفس الموضوع ...
زي ما تشوف احنا نحدد تدفق بيانات ما نحدد جودة للملف .. وعلى اساس التدفق يتحدد حجم الملف
وبما ان الغالب لحجم 170 ميغا هو استخدم 850 kbps ... وعندنا في الثانية 24 فريم ( صورة )
فهذي معناتها ان الصورة الوحد تقريبا حجمها بيكون 850 كيلو بت للثانية تقسيم 24 فريم
= 35 كيلو بت .. يعني تقريبا 4 كيلو بايت ...
حجم الصورة هو 4 كيلو بايت .. الحجم ثابت بغض النظر عن ابعاد الصورة ...
يعني بالفوتوشوب .. هل لما تحفظ صورة بأبعاد 200*200 وتطلع بحجم 4 كيلوبايت هل هي بتكون بنفس صفاوة صورة 600*600 وحجمها نفس الشي 4 كيلو بايت .. بالطبع لا
لكن بالنهاية الحجم واحد 4 كيلو بايت ...
فعليا اللي يصير في الفيديو مختلف شويه لكن جبت مثال الفوتوشوب علشان تفهمها ^^"
....
نجي على الموضوع الثاني .. حق ايهم افضل من عايلة ال H264
اصلا الموجود مجاني واحد ... هو اللي تبع مشروع VideoLan .. وهو اللي نستخدمه في الميجوي والفيرشال داب
الكودات الباقية بفلوس ...
...
طبعا اللي في الميجوي أفضل ... لأنه النسخة اللي في الفيرشال داب تنتج الملفات بطريقة VFW وهذي طريقة قديمة انتهت من زمان .. وبعض الخصائص اللي في الكوديك ما تقدر تجيبها في ال VFW
لكن علشان الناس يحبون الفيرشال جاب لسهولته . فهم يتحايلون على الكوديك بطرق انا ما اعرفها لكنهم بالنهاية يطلعون كوديك هجين يشتغل في الفيرشال داب~
>> بالمناسبة اخر نسخة للكوديك x264VFW موجودة هي من 6 شهور .. ( VFW هي اللي في الفيرشال داب )
بينما نسخة ال exe كل اسبوع تقريبا ينزل اصدار احدث ... ( هي الي في الميجوي )
زي ما تشوف التحديث على ال VFW بطيء ... لان المبرمجين اصلا يقولون انتهى عصر ال VFW
نجي على النقطة الاخيرة .. ماهي x264,h264,avc1 أصلا ؟؟!!
في جهاز الكمبيوتر الفيديو متكون من صوت وصورة ( ما قلت شي جديد ^^" )
بالنسبة للحاويات مثل Avi,mp4,mkv هذي ما لها علاقة مباشرة بالجودة ( الكلام هذا ما يمشي على avi دايم لانه يكون سبب في انخفاض الجودة احيانا زي ما قلنا .. نظرا لعدم امكانية تفعيل بعض خصائص ال x264 في ملفات ال vfw)
المهم
الحاويات هذي اعتبرها صندوق تحط فيه الصوت والصورة بحيث ينتقلون ويشتغلون كجسم واحد ...
لما تشغل انت ملف الفيديو في جهازك يمر أولا بعملية فصل مباشرة عن طريق برامج السبلتر ...
الفصل هذا ينتج منه ملف صوت مستقل وملف صورة مستقل وملف ترحمة مستقل ان كان موجود
ثم كل واحد من هذولي يروح على البرنامج المناسب الي يعالجه ويشغله " يسمون هذي البرامج ديكودر Decoder "
ويرجعون مرة ثانية وينعرضون مباشرة في برنامج تشغيل الفيديو ... العملية هذي سريعة ولا تحس فيها...
اذا تبي تتأكد منها ... اذا كنت مركب حزمة k-lite codec ack روح وشغل هذا البرنامج
C:\Program Files\K-Lite Codec Pack\Tools\graphedit.exe
ولما تفتحه حدد أي مقطع فيديو عندك .. وشوف الخريطة اللي يمر فيها قبل ما ينعرض على جهازك ...
بالغالب بتشوف حاجة زي كذا
http://juve11mania.googlepages.com/graphedit.gif
مصدر .. ثم سبلتر وفصل .. ثم فلاتر ومعالجة .. ثم عرض
الفيديو داخل ملف الحاوي يكون معرف برموز اخرى تدل على البرنامج المناسب لتشغيله ..
يعني تقريبا نفس صيغ المفات rar و avi وغيرها
لكنها رموز خاصة بالفيديو ... هذي الرموز اسمها FourCC
هي عبارة عن رمز مكون من 4 خانات ...
اذا كنت مركب حزمة k-lite codec pack
روح على قائمة ابدا ثم k-lite codec pack ثم tools ثم Gspot codec informatin
لما تفتح البرنامج .. حدد اي مقطع فيديو عندك من خلال البرنامج ... وراح يطلع لك تفاصيل المقطع .. من بينها رمز ال FourCC
تحصله فوق يمين في خانة Codec
http://www.raymond.cc/images/gspot270a.png
يعني ال FourCC عمليا ماله علاقة بجودة الملف .. الشي اللي الوحيد المهم فيه هو انها تعطي الرمز لكوديك الملف ( يعني جنسية الملف )
وبالتالي تشغيل الفيديو باستخدام البرنامج المناسب
وطبعا انت تكون مركب الكودات على جهازك والجهاز عارف كل رمز يستخدم فيه اي برنامج
في الصورة اللي قبل شوي ال Forcc هو Xvid
لكن في كوديك اكسفيد نفسه .. تقدر تختار FourCC غير "XVID"
أعقد لو انك قريت شرح كريتف للضغط باكسفيد بتشوف هذي الصورة
http://www.upload4arab.com//files/17...VI/x246_13.jpg
اللي تطلب منك وضع Forcc عند DX50 ... الغرض من هذي الخطوة مو رفع الجودة .. لا
الغرض هو ان بعض برامج مشغلات ال Xvid فيها أخطاء .... وبما ان Xvid و Divx من نفس الفصيلة Mpeg4 ASP
فهذا يعني ان برامجهم تشغل بعض .. وهذا اللي حاصل ... لو ضغطنا بكوديك Xvid لكن اخترنا زي ما عمل كريتف DX50
وبعد الانكود فتحنا الملف في ال gspot .. فراح نحصل ان الملف معرف بشكل Divx ..ولو الشخص اللي حمل ما ركب عنده كوديك اكسفيد وركب بس ديفكس راح يشتغل عنده هذا الملف بشكل طبيعي
على العموم ... نرجع للمحور الاساسي .. وش الفرق بين avc1 ,h264 ؟؟؟
هم رموز Fourcc لنفس الكوديك ....H264
يعني جرب افتح الفيرشال داب .. وفي الاعدادات استخدم x264 وروح هنا ..
http://www.upload4arab.com//files/17...VI/x246_18.jpg
وبدال h264 اكتب avc1 وشوف بنفسك .. ما راح يتغير شي ..... راح يشتغل الملف .. لان البرمجيات اللي في الجهاز تشغل h264 هي نفسها اللي تشغل avc1
وهذي البرمجيات وقت التثبيت تبلغ جهازك بأنواع ال FourCC اللي تقدر تشغلها
لكن جرب واكتب xvid ... "" وقابلني اذا نجحت بتشغيل الملف الناتج
""
لان البرمجية مختلفة تماما ...
وش رايك بالكلام المختصر
المفضلات