السلام عليكم و رحمة الله و بركاته
كيف حالكم كلهم جميعاً ؟
بمناسبة العودة لمقاعد الدراسة الي يحبها الكل
نبي كل واحد يقول موقف محرج حصل له أو مع أحد يعرفه
بس على شرط ان الموقف يكون مع المدرسين ( أو المدرسات بالنسبة للعضوات )
منها نضحك عليكم .. أقصد معاكم و منها نخفف ثقل اليوم الأول في الفصل الجديد
***
و علشان ما أحد يستحي أنا راح أبدأ ..
***
كانت أيام اختبارات << و الريح تدوي و الذئاب تعوي
كنت جالس مع الشباب نراجع بين الفترتين بالقرب من غرفة تصحيح أوراق الاختبار << يمكن نلقط سؤال ولا اثنين
ما أشوف الا واحد من المدرسين ماسك زعتر مدري جبن و يعطيه واحد من الشباب و يقول له خذ
الولد استحى و قال شكراً ما أبيها
الاستاذ حاول يعطيها للولد بس الرجال ما يبي ياخذها
و بعد شوي قال له الاستاذ وديها للاستاذ الي في الغرفة الثانية << طلع ما كان بيعطيها للولد أصلاً
طبعاً متنا عليه من الضحك و هو تفشل بشكل غير طبيعي
***
ننتظر ردودكم و مشاركاتكم
المفضلات