وعليكم السلام ورحمة الله وبركاته
ما شاء الله تبارك الرحمن ع نشاطك أثير ربي يحميكِ ويحفظك
سفركم تفتح النفس الله يديمها عليكم ياا رب ..
+ الله يعافي الوالدة ويقومها بالسلامة ياا رب ()

لف نظري أكتر من شغلة
أول شي شو يعني (المكشن) ؟ < لهلأ ما قدرت آخد وأعطي وأفهم ع اللهجة السعودية رغم إني عايشة فيها من مدة محترمة

تاني شغلة عجينة الكبة وحشوتها، بحس أكتر شي بميّز حشوة الكبة السورية دبس الرمان وحب الرمان < اللي لاحظت عدم وجوده بحشوتك
وغالباً ما بكون معها خضار كالبقدونس والشبت

ما شاء الله عين خبرة بالكبة أهل حلب منبعها

الشغلة التالتة بطريقة معكرونة البشاميل
لاحظت بتحطي المعكرونة مباشرة بالصينية بدون شي
عادة اللي بعرفه - أو اللي نحنا منعمله- منحط طبقة رقائق من رقائق عجينة البقلاوة
بالسعودية منستخدم (عجينة كلاج) -العلبة الطويلة-
ومفردها ع الصينية ومنترك زيادات وبعدين منحط المعكرونة بالطبقات وآخر شي منغطيها بالعجينة اللي زدناها ومندهنها بزبدة ومندخلها الفرن شوي لتشقّر ولما تقطعيها بتكون متماسكة بالطبقات بدون ما تفرط

الشغلة الرابعة ممكن طريقة كنافة النوتيلا ؟
ما شفتها من قبل ولا سمعت عنها، ولفتتني باعتباري بحب الشوكولاه
وكمان بعد إذنك طريقة اللقيمات ما عجبتني العلب الجاهزة ولا الخلطات بالنت كل وحدة شكل :/

الشغلة الرابعة القطايف اللي بالصورة بالنص من اختصاص الحلبية بتنحشى جوز وأذكر اسمها -زُنْچُل- < صححلي عين إن كان خطأً ^^

الشغلة الخامسة عيش اللحم ما يقابله عندنا الصفيحة مو ؟

والشغلة الأخيرة إيش فيكم كلكم ع سوليد

أما عن جيب التاجر فكمان لفتت نظري وحبيت مكوناتها ذكرتني بتم السمكة

وعن الجلي أنا عكس سون چوك بطبخ عادي بس ما عندي إشكالية أسكن المطبخ وأجلي، حتى بعد العزائم

شكراً لإمتاعنا أثير وسفرة عامرة
< لا تفكري تورطيني بنوب مسافرة
حطي عينك ع الشباب السوريين العزابية هون بيتفننوا ما شاء الله < تنظر بطرف عينها على سون چوك وعين الظلام
أو شوفيلك حدا من بلاد الشام بشكل عام والمنتدى مليان إن شاء الله

أنا متحمسة للسفرة المغربية إذا كانت بقائمتك