السلام عليكم ورحمة الله وبركاته
كيف الحال والعيال ؟
عاملين ايه كلكم فردا فردا ان شاء الله كويسين وتمام التمام <<دى حالة اللى بيكتب فى انصاص الليالى
اممم كما هو بالعنوان النهاردة هنعمللكوا حلى نسكافيه يعنى هتاكلوا صوابعكم وراه وهو اهداء الى كل الغاليين ع قلبى وبالاخص السكره انا واختى وكمان اسورجتى
يعنى هو سهل جدا الطريقة ولا احلى وبسيطة وسريعة والاهم من كده كله لذييذة عاوزة اقلكم لما بعملها اخواتى بيخلصوها قبل ما تسقع حتى ياعينى عليا كل مرة بلحقلى حته كده قبل ما يخلصوها وانا متأكده ان شاء الله انها هتعجبكم جدا جدا
وممكن اى حد يعملها بنت ولد متزوج ومتزوجة عازب وعازبة اى حد يعنى
طيب نيجى ع الاهم
الطريقة
اولا هيا تكلفتها يعنى اكتر من 10 جنيه <<يا سلام ع التحديد
المقادير
3 بسكويت شاى سادة<<اى نوع انا بحب مارى
2 كيس دريم ويب<<كريم شانتيه
4 كيس نسكافيه صغيور
شيكولاته <<حسب الرغبة او اى شئ انتوا عاوزين تضيفوه
الطريقة
اولا اعملوا الكريمة زى مامكتوب عليها وببساطة تحطوا محتويات الكيس الواحد ع فنجان صغير ماء او حليب مثلج واضربوهم
حتى تكون كريمة تقيلة يعنى 5 دقائق مثلا
بعدين ضيفوا 2 كيس نسكافيه ((وانا بضيف سكر رغم انه الكريمة بسكر لكن انا عائلتى من عشاق السكر الزياده عن الحد فحسب رغبتكم))
واضربوا تانى حتى يمتزجوا كويس
الخطوة الثانيه :نجيب طبق ونضع فيه مياه او حليب مثلج يعنى نصف كوب مثلا بعدين نحط فيه كيسين النسكافيه وبعدين نجيب البسكويت يادوب نبلله فى المزيج ده ونطلعه علطول يكون جنبنا الصينيه اللى هنحط فيها ونرصصه
بعدين نحط طبقة من الكريمة
وبعدين طبقة من البسكويت المبلل تانى
بعدين نحط الطبقة الاخيرة من الكريمة
وخلاص بعدين بئه النهائى انكم ممكن تحطوا اى شئ من فوق شيكولاته او كراميل اى حاجة
يعنى هنا شيكولاته خام مبشورة
او هنا شيكولاته خام بردك بس سايحة
===
وبس خدولكم وردة
==============================
افكار اخرى
ممكن تحطوا فى الكريمة كريم كراميل معمول بدل النسكافيه
او قهوة او اللى تحبونه
====================
الفكرة ليست من اختراعى طبعا اتمنى ان تعجبكم وبالهنا والشفااااااااااااا
المفضلات