سؤال للبنات فقط...شباب عن اللقافه خخخ ^__^ رديتها لكم

[ساتو]

يا بنت مسموس الحلوه,,," أكبر روسكم"
المهم أبغى أسألك وجاوبيني بصراحه,,,
وش شعورك أو ردة فعلك لما تدخلين المطبخ تبغين تسوين أكله حلوه
والا حلى جاء على بالك ودخل أخوك وقام يتفلسف عليك,,,
مثلا:
يافلانه لاتسوين هالحلى سوي واحد بقولك عليه...
(ويقوم يوصف شكله والشغله أساسها المقادير مو الشكل...)
والا يقولك ااااااااااااااخس والله ودليتي المطبخ أخيرا أقول انتبهي لا تحرقينا(مسوي خفيف دم):nosweat:...
والا لقافات ثانيه وقطات وجه ياكثرها وأنا متأكده انكم جربتوها لكنها ماجت على بالي الحين "المهم قولولي وش ردة فعلكم بدون خجل أو رحمه"

وعندي ملاحظه مهمه جدا جدا جدا:
"( أختي الغاليه ترى لو كنت طباخه محد قدك وانت عند الناس
مضرب مثل للبنت "السنعه" واخوك يعرف هذا الشي زيييين
لا تحلمين انك ترتاحين من لقافته والا فلسفته عليك يعني دخلي الكلام من أذن وطلعيه من الثاني)

[K A I T A]

السلااام ^^ أهلين ساتو ..
خخخ .. والله كفو كفو .. بردتي قلبي لما رديتي عليهم ^ــ^
أنا "ناادر" أدخل المطبخ p: بس لو صار .. ان أخوي يا و عــلق .. باعصب ^^
و أقول : أنت شكوو ؟! ^^"
ألف شكر عالموضوع الي يريح القلب ^^

[Aboora Chan]

لووووووووووووووووووووول
رهيييب الموضووع
بالنسبه لي تصير واااجد
تقرييبا ما فلحت بالطبخ الا بالحلى وأخوي يحب الحلا
وطبعا يقعد يتشرط سوي وسوي وابي ومابي
واذا بغييت اتعذر بان شي ناقص يقول انا بجيبه يعني ينشب لي الا اسوي
ممكن يدخل يتفلسف شوي ليش كذا وسوي كذا بس طبعا اسكته
الله يجزااني خير دخلت اسوييله بعد يتكلم
<< سوييتها قصه لووووووووول

باختصاار ما يحطمني ابد لاني ما اسوي الا له غالبا ^^

تقبلي مروري وفلسفتي لووووووول

[Ai-Haibara]

اي والله زين انك كتبتي الموضوع اشان نحرهم>>>>>قلبت البنت علينا هههه:harhar1:
امممم.... انا نادرا ما ادخل المطبخ لاني توني بمتوسط وما عرف اسوي الا حلى:nosweat:
ولازم يجي اخوي الكبير يمسكها فيني مصخرة طول الوقت ليش اني دخلت المطبخ:cool21:
لكن ابشركم قبل امس دخلت المطبخ بعد صلاة التراويح وقعدت اسوي الحلى وبعدين دخل اخوي الكبير طردته:lolhit: وقفلت باب المطبخ علي:evil:>>>>>>>>.هههههه افكار جهنمية من ونا صغيرة::hm::
وكل عام وانتي بخير:clap:
تقلبي مروري الثقيل:nosweat:

[NoONoO]

يؤ يؤ المسومسيات ما يدشون المطبخ !!! ههههه
شكلهم المسومسيين هم اللي بيطبخون لنا اليوم =p

صارت فترة مادخل المطبخ إلا للسويت فقـــــط

وبصراحة انا على حسب المــــزاج
مرات ماحب ابـــــــــــــــداً احد يتدخل او يعطيني رايه بالسويت بعد ما احط طريقة محددة في بالي و ابدا فيها !!
ولو حد قال لي زيدي هذا ولا هذا (يعني مقادير خربطيشن) يا إما اطنش أو اهد المطبخ =_=
[هالحالة اذا كنت مشغولة بشيء وطلبوا مني اسو عشان ضيوف بيون =@ ]


والحالة الثانية يوم يكون بخاطري اسو شي يديد .. عادي اضحك وياهم مع شوي تطنيش لوووول

لكن اخواني مايتدخلون ابداً .. لو البنات ممكن احتمالية صغيرة =D

يسلمووو كتير عالموضوع

[بنوته صغنونه]

شكرا على الموضوع الرائع

وصراحه أخواني مررررره ملاقيف يحبون يتلقفون في كل شيء

مو بس الأكل حتى لما أجي أكلم يجون يجلسون عندي إلين ما أخلص المكالمه

الله يعين عليهم وصراحة أنا أنقهر منهم مررره

تقبلي مروري الثقيل

مع تحياتي

بنوته صغنونه

[بسمة]

ههههههههه اكيد تصير كثير وردة الفعل تكون حسب النفسية وقتها وحسب المزاج

اقول لك امس دخلت المطبخ وساويت اكلة ولما حطيتها عند الافطار قال لي جيبي شي تاني هذي شكلها مارح تعجبني " بدون ما يذوقها " ... رحت اصلي المغرب رجعت لاقيته مخلص نصف الصحن هههههه

واذا جربت اكلة يعرفها بس غيرت عن طريقة الوالدة يقول لي مو لذيذة وبعد ما يشبع يقول .. دائما اعمليها بهذي الطريقة هههههه

بس احلى شي ان يدخل يوصف لك شكله ويقول لك ساويها ...ضحكتيني

[ميناكوا]

موضوع منتازن منتاز تصلمين يابعد تسبدي
انا قد سويت حلى عجب اخواني مرررررة
فصدقت نفسي صرت اسويه كل شوي..:shiny:
بص هذا الحلى اللي اسويه <<<بالعافية اذا دخلت المطبخ :p
تصلمين ثم تصلمين خيتو على الموضوع..

[ساتو]

"*كل عام وانتم بخييييييييييير*"
وااااااااااااااااااااي اشكركم عالردود والتفاعل الحلو,,,:clap:
ايوه خلونا كذا يد وحده علشان نعلمهم اننا مستغنيييييين عن دخلتهم المطبخ,,,:schmoll:
وانا الحين تذكرت سالفه مع أخوي هذا ماغيره اللي ناشب لي,,,

مره وأنا في 1متوسط دخلت المطبخ بسوي كيك عادي "عشان جدتي تحبه"
فدخل علي أخوي وقام يتفلسف ويقول:ألحين ليش ماتحطين خمس حبات بيض
وأنا أطنش ويرجع يقول: طيب انتبهي ترا كثرتي الزيت,,,وأنا مستمره في التطنيش
ويوم وصلها معاي وشفت ان فلسفته هالمره بتطول....
سحبته مع اذنه الين الخلاط وقلت له :اذا الشغل مو عاجبك كمل بدالي,,,,عاد هو سوى نفسه يعرف وقبل التحدي,,,:flex:
ويوم شافني من جد بطلع من المطبخ قام يناديني بأنواع الكلام الزين اللي ماتوقعت في حياتي اني بأسمعه منه :تعالي يا....(اسم الدلع حقي)..تعالي ياحبيبتي يا أحلى اخت بالدنيا كلها,,,,,عاد أمي يوم سمعت كلامه الحلو هذا لي عرفت ان فيه شي صار فراحت تسأله عن السالفه وهو يوم شافها استانس على باله بتوقف معه هالمره المهم ويقولها السالفه كامله قامت هي وقالت له تستاااااااااهل اللي صار وحلفت عليه انه يكمل الكيكه
وانها لاتحترق أو تجي قاسيه,,,,,,
عاد ألحين عرف ان ماحد معاه وذاق طعم لقافته صححح...
وكمل الكيكه وفتح الفرن وسواها وانتظرها لين تزين وأنا اتفرج عليه وقلبي طاير من الفرحه وأنواع نظرات الشماته تشوفونها بعيوني,,,,:evil:
بس بيني وبينكم الكيكه طلعت حلوه,,,:sad:
وأكيد بتطلع حلوه لأني حطيت المقادير كلها بالخلاط ومابقى عليه "طويل العمر"
الا يخلطها ويحطها في الصينيه ويدخلها الفرن,,,L:sly:
يعني الشغله مسروقه وكليناها كلنا وعلمنا جدتي انه هو اللي سواها,,,,
والى الآن وهو يذكرني فيها مع انها كيكه عاديه جدا جدا جدا,,,

وآسفه طولت عليكم,,,وتراه أكبر مني بس عادي أمون

[woookazo]

يا حيا الله بالمسومسيات والله ..


حيا الله اختي ساتو تفضلي على الحلا حياج توة طالع من الفرن ..!!!


خخخخخخخخخخخخخخخخخ



الله يسلمك انا نوعا ما حرمت اطبخ واسوي شي لاني لما اسوي شي يطيح بجبدي انا اللي اكله بروحي !!

واخوي طايحله >> اخاف لا أتسمم من وراااك !!!



حسبي الله ونعم الوكيل !!!

بهالرمضانية سويت كيك مافن ونسيته بالفرن فاحترق شوي


اخوووي شهر فيني وتطنزوا لين شبعو يقولون صخر مو كيك !!!

ومن بعدها حرمت اسوي شي خلي الشغالة تنفعهم !!!




لووووول




يعطيج العافية خيتووو على الموضوع ولا تحرمينا جديدج وعيدج مبارك

[ساتو]

الله يبارك فيك أختي,,,,
وماتنلامين بصراحه على قرارك واضرابك عن المطبخ,,,
ومثل ماقلتي خلي الشغاله تنفعهم...

[MissCreative]

أنا و المطبخ صحاب يعني الحمد لله شاطرة بالطبخ و أصلا أنا إلي بطبخ بالبيت
و إلي يسترجي يقول شي عن طبخي الله يعينه شو بعمل فيه
و الحمد لله ما عندي إخوه كبار يتشاطروا علي , بس أحيانا يجي بابا يقعد يجنن فيه بس أنا بطرده برا و بكمل شغلي هو بس بيجي يتشاطر لإنه ما شاء الله بالطبخ ما في متله هههه

بس بذكر مرة أخوي يوسف عمره 12 سنة كان بتبايخ و صار يحكي عني ما بعرف أطبخ و من هالحكي الفاضي رحت مسكت صحن الطبيخ و رميته بوجهه هههههههههههه
تعلموا مني الشطارة يا بنات ههههه , و من بعدها ما عاد يحكي علي شي تاني

و هلأ بابا إذا بيجي يتشاطر علي بحكيلوا روح دور علي حد يطبخلك بصير يترجا فيه و أنا ما برضا بقوم بروح عند جدتي علشان ياكل ههههههه

أسفة طولت عليكم و شكرا حبيبتي علي الموضوع الممتع و الحلو متلك
و تقبلي مروري

أختكم في الله أمل

[ka!to fan]

السـلام عليكـم

خخخخخخخخخخخخخخ
الموضوع يهبــل مثل صاحبتـهـ

اييهـ
بالنسبة لي
ماأعرف أسوي إلا [ شاهي × نسكافيهـ × إندومي ]
ممكن أقلي بطاطس بس تطلع غريبة الله لا يوريكم

و أخواني أصغر مني مايقولون شي
أصلاً لو قالوا شي بيتكفخون

و صانكيو ع الموضوع
بانتظار جديدكـ

[ساتو]

نجمة المحيط...ka!to fan
"أشكركم عالمشاركه وانتو والله اللي تهبلون"
"ونورتونا بمشاركتم"
*"وكل عام والجميع بخيييييييييير"*

[~قطوطة مسومس~]

الصراحه موضوع يبرد القلب ياكثر ما استوى لي هذا الشي

يتفلسفون وهم مايسوون شي:flex: ليش مايطبخ عنا أحسن:confused3:

أنا دايماً يعلق خيوه على أكلي إلا الحلو يمدحه زيييييييين

لأنه مايقدر يسوي نفسه هههههه ... أما بالنسبة للموالح

فأنا ما أسوي كثير يمكن المكرونه والشوربات هذي ذبحتي

ومشكوووووووووووره خيتوه عالموضوع اللي يبرد القلب...n_love
وكل عام وأنتي بخير

[ساتو]

"*وانت بخييييرعزيزتي*"
وأسعدتينا بمرورك الرائع

[حور العين]

مرااااااااااااااااااحب
هلا و مرحبا بإختي ساتو
مباركن عيدج يمى و عساج من عواده
و الله بالنسبة لسؤالج أصلا ولا واحد من إخواني يتجرأة و يقولي كلمة و أنا في المطبخ
مب لشيئ لأنهم يدورن بطبخي و يدرون إني أحب أطبخ، و إن قالو كلمة شينة ماراح يذوقون شيئ، و ترى إخواني من النوع الصريح يعني إذا مب حلو بيعطوني إيها كاش في الويه و بقولون مو حلو.
و هذي هي حالتي مع إخواني
هههههههههههههههه يا حليلهم شكلي بقوم أطبخ لهم شيئ
يلاااااااااااااااااا سلام
بروح المطبخ
سلاااااااااااااااااااااام بنات

[Naru]

ههههههههههه
الا راح انزل فيه تكفيخ واسمعه من هالكلام الي يحبه قلبه خخخخخخخ
والله هالحركات كثير تصير وخصوصا برمضان حيث الكل منتظر مدفع الافطار والكل يصير طباخ زمانه !!
شكرا على الموضوع التحفة ومتباركة بالعيد عسى ايامكم كلها فرح وسعادة

سلامي

[shooshoo_san]

السلام عليكم ورحمة الله وبركاته

انا صراحه العكس اخواني يشجعوني اطبخ وانا اللي اتعايز >>عيوزه >__>

بس مرات اطبخ .. يعني مب دايما .. بس المشكله اني لما اطبخ تطلعلي طبخه يديده كل مره اطبخ فيها ..وانا مرات اكل ومرات لا على حسب النتيجه النهائيه .. اخلي خواتي الضحايا يجربون واحيانا يوافقون واحيانا يشردون مني :confused1bb: .. واخوي الي يشجعني ياكل علشان خاطري وعلشان اتشجع اطبخ مره ثانيه .. واخر مره طبخت خلوني اكره الطبخ .. يعني عرفت اني مب مال طبخ :shiny:.. بس يقولون انه الشخص يتعلم مع الوقت .. صرت اشك بهالشيء :err2:

مشكووره ع الموضوع .. بالتوفيق لكل المسومسيات ..

[Ai-ChaN]

انـا الصراحه 1% في حياتي ادخل المطبخ لووووووووول امـززح

بس ولا واحد يحلم ينتقد اهدم البيت فوق راسه -_-

بيني وبينك انا تراي اخترع طبخات وهم اللي غصب ياكلونهن لوووووول مساكين ^.^

تذكرت مره انا اخترعت كيكه بالفراوله والكيوي >> لاتعليييق -____- << مساكين اخواني راحوا ضحايا هههههههههه

اخوي ذاقها وقاال وعععع من ذا اللي سواها .. و جيت انا قعدت العب بحواجبي لوووول

وقال ياسلااااااااااااام ياطباخه يادودو ^_^

اكلها وكل العايله طيرااااااااااااااان لم دورات المياه >> اللـه يكرمكم -_- <<

رحمتوهم صح ^_^

تسلميييييييييييييين سـااتو حبيبتي ^_^