السلام عليكم
كيف الحــــال أعضائي ؟ <<<< إن شاء الله بخير :smile2:
حبيت اكتب هذا الموضوع بعد الظلم اللي صار لي
ايش صار بالضبط؟ انا اقول
قبل نهاية الدوام في المدرسه وصل الوكيل ومعاه تقارير الطلاب
انا قلت الله يستر شكلنا مفحطيـــــــن :cool21:
طبعاً طالب ثانويه علمي آخر سنه لازم يجتهد :yes3:
وصلني التقرير وطالعت فيه قلت ما شاء الله نقصت مني اربع درجات بس
في ذاك الوقت نسيـــــــت اني شاطر ^^:cool3:
وعدت الكلام وقلت اربع درجـــــات (ونص)؟!! :oo7dt:
في اللغه الإنجليزيه نقصت نص درجه وهذا اللي ما كنت متوقعه
انا في اللغه الإنجليزيه ما عمري نقصت درجاتي فيه
رحت عند المدرس (مصري الجنسيه) وقلت له إستاذ تعال ابغاك في شي ضروري
قال خير يابني في ايه ؟
استاذ ايش النص هذا اللي انت حاطه لي في التقرير؟
قال دي درجتك في الإختبار نقصت فيها نص درجه
استاذ كم أخذت في الإختبار الأول ؟
أخذت 10 من 10
طيب حلوه منك ، وفي الإختبار الثاني كم اخذت ؟
قال أخذت 28 من 30
طيب يا استاذ بأرجعلك بعد شوي
رحت الفصل وشفت تقرير صديقي ومعطيه الإستاذ درجه كامله
يا ولد كيف عطاك درجه كامله ؟
قال صديقي ما أدري
قلت له كم أخذت في الإختبار الأول؟
قال 9 من 10
طيب وفي الإختبار الثاني ؟
26 من 30
نعم يا سلام طلع الاستاذ فلـــــــه !!! (بطريقه عصبيه)
قلت لصديقي تعال معي
قال وين ؟ قلت له ما عليك تعال بس
رحنا عند المدرس وقلت له يا استاذ شوف درجات صديقي وشوف درجاتي
قال ليه ؟ قلت عشان تشوف الحق من الباطل
وبعد ما شاف الدرجات قال عشان بس درجتين تجي هنا
قلت له اي تنقص علي نص درجه وتعطيه درجه كامله يااستاذ
قال صديقي انا برى السالفه لا تورطني
قلت لحظه!!! وقف
يااستاذ هو شي من اثنين
يا تزيدني النص الدرجه وتصير كامله أو تخصم على صديقي درجه
قال ما أقدر اسوي ولا واحد
وبعد الكلام والفلسفه المصدعه للراس ما استفدت شي من اللي صار
وظلت درجتي على ما هي نا قصه نص درجه بس نـــــــص
وهذا اللي صار لي يا أعضائي في الدوام
ولما خلص الدوام جا صديقي يبغى يوصلني
انا طنشته (خليته) ورحت لأنه بدال ما يساعدني قال انا بره السالفه
ورحت البيت وكنت معطي الاستاذ ابتسامه قبل لا اروح كلها حقد وكراهيه وحزن
كيف موقفكم من اللي صار لي ؟
وطبعاً طلاب علمي آخر سنه يسوون اللي ما يتسوى عشان نص درجه حتى
واظن في بعضكم عارف شعوري ويدرس معاي في نفس السنه
لأنه يسوي مستقبله بدرجته اللي أخذها بس ما يصير ياخذها بظلم من احد او مظلوم
وحبيت بس اشكي حالتي لكم واسمع آرائكم
وان شاء الله تردون علي
كان معاكم محتــــــــــــــــرف
ســـــــــــــــــــــــــــــــــــــلام
المفضلات